On top of the hill

Basta taga-bukid, mahilig sab nan bukid.

Dapat wara na garo ini kay magasto. Kuripot sagud ako kadayaw. Anyways, yaissip ko sab na mas madayaw na may haod nan ini kay sugod sa una wara gayud amo picture na kinuha nan professional na maniniyot. Yaon man galing pero individual pictures ini na kinuha sa mga kalihukan sa eskuylahan.

Pasalamat sab ako kadayaw sa uyab ni midred na amo an amo photographer kay adto kami inda sa bukid. Mas dayaw sa  gayud yaon lugar na medyo familiar sa ato kay amo sa lagi ato indak-an. wara sa kita gadako sa syudad kundi adto sa gayud sa ilaya. Taga-ilaya sa gyud kita lugar.

Katawahe ako pagkakita ko nan tapos na na litrato kay bagan amo dasa nan background sa yadton korean teleserye na Endless Love. Madayawers na pagkakuha. Pero sa tinuoday yaon mga kahoy na background, prutas yaon. Madayaw sa baya na background inin kahoy na seregwelas. Yapura ako abay kaon nan yaon samtang gakuha nan litrato an amo mangodakay.

Dili ko na pagtaason ini, an importante may amo lugar litratohay na kinuha nan professional nan wara pa kami mamenyo. Pwede na lugar ako makapahinang nan oil painting kay makapili na ako nan madayaw-dayaw na pagkakuha. Madayaway sagud sab na bisan gakatiguwang na kita may atoay makita lugar na hulagway nan bata pa kita na dili dayon madaot.