malnourished

nan isa na semana ako yabantayan kada buntag na moagi ako dapit sa department of agriculture regional office ngadi sa cagayan de oro, yaon isa ka mananap na familiar kadayaw kay yatao sa lagi sa bukid. laong pa nila mamanwahay sab lagi kita kuno.

sa una ko pagkakita yaon pa siya liya-liya o kangga na pagaguyod. yaon siya yahibutang sa kilid nan ila opisina. dapit mismo sa karsada. pagtoo nako dad-on nila sa mall kay ipasuroy-suroy ngadto hamay da matignawan sa aircon kay bagan permi dakan lamang ini gabilad sa suga o galamutik nan lapok. 

inkasaydan ko pa na dad-on baya siya sa kapitolyo nan misamis oriental kay yaon ila tabo ngadi - tabo nan agriculture. kuman sa na semana an tabo, gasugod nan lunes hangtod sa bernes. ako duda na siya an bida ngadto.

sos yatapos na lamang an bernes wara gayud siya mada ngadto sa kapitolyo. gadahom na taraw ako na ilugan siya ngadto nan mga tao kay grabe siya ka special ug unique. ambaya kaw an iya da liya-liya an tagda ngadto. kuman yaon dakan siya gahuyaon sa ubos nan mangga dapit sa koral.

an ako pagduda na wara siya mada ngadto sa kapitol kay dili siya special o unique baya. siguro yahigmata an mga taga-agriculture na sin-oy motoo lugar na an ila garo hari-hari ngadto an color orange. motoo pa siguro ako kun puti an kolor kay yakakita na ako nan puti ngadto sa carcanmadcarlan sa surigao del sur. bagan sagud masakiton an ila magguyuday nan liya-liya. bagan kuwang nan multi-vitamins. amo da gayud nan mananap na pagasampaga o paga-hepa. tan-awa sa lamang an kolor. wara kaha sila kuyapi nan iton?!

bagan sa dili gani bagan makadaog pagguyod nan liya-liya. unhon pa kon kargahan na an liya-liya?